泰象館茶餐廳

Open Now

Now Closed

今日同朋友去九龍城行街，行完諗住搵間餐廳食下野，見到有間餐廳裝修好懷舊feel，原來係泰象館既茶餐廳版，見新開就入去試下，下午茶餐$23-$40，非常抵食。黑松露炒蛋配墨汁包賣相超吸引，拍得住西餐廳，忍吾住影多幾張呃下like，墨汁意粉食得多，墨汁包就第一次食，炒蛋炒得好嫩滑，黑松露份量都吾少，另加左$5轉蜂蜜百香果茶。芝士流心西多士我呢個西多士控對西多士有一種執著，吾鍾意食炸得太燶同太硬既西多士，呢到既芝士流心西多士，簡直岩曬我口味，一刀切落去已經感覺到麵包係好軟熟，中間搽左花生醬，芝士雖然未做到流心效果，但同花生醬非常之夾，估吾到咁好味，另加左$5轉菊花薑蜜。魚香茄子炆伊麵微辣帶少少咸魚既咸香味，茄子份量都幾多，炒得十分香口，夠曬鑊氣，送餐飲或例湯，我地簡左例湯，例湯非常多料，湯頭清甜，飲得出無落味精。