都佐 (Closed)

荃灣近年咖啡店越開越多，新開的咖啡小店「都佐」成為第一次撰文選擇的餐廳首先，炎炎夏日想搵間唔使等位的咖啡店坐上兩三個鐘係荃灣已經好難，呢個新開咖啡店係星期日完全唔使等位，而且人數甚少，可能新開的關係，但以環境、食物和服務質素，可以肯定未來會成為網紅打卡地點。是但叫左2杯咖啡，Flat White同Espresso Tonic，價錢比一般咖啡店平少少，但質素絕對唔差，拉花亦非常好，可以同Friends坐上兩三個鐘完全唔會被打擾真係稱得上真正「嘆番杯咖啡」。再來係食物質素，下午4點來當然是叫小食，見佢有個「椰菜豚肉卷」試一試，竟然有驚喜，類似係日式的椰茶卷，而且用湯浸住外貌好似中式湯卷咁，味道清新唔膩，幾適合一D唔想食飯/漢堡的朋友。再來叫左2個甜品，抹茶紅豆卷係十分之推介，因為抹茶係用上日式味道有點苦澀，但鐘意抹茶的朋友一定會鐘意，比起一般咖啡店的蛋卷，佢的質地會比較「實」，但味道好有抹茶味，都對得住價錢。服務嚟講，除左不時會主動問食物質素之外，態度亦十分友善。係星期日只係見客唔多，唔知將來係唔係可以捱得住，但至少對喜歡坐咖啡店的朋友而言，呢間絕對係舒服，可以輕輕鬆鬆傾下計。