Pop Street (Closed)

今日朋友仔話黎同我食多國菜，一聽到多國菜，就好驚添。唔係連鎖店or茶餐廳掛，你知啦，好多大型連鎖既快餐店，都係叫多國菜，真係怕怕地。但原來係一間新開既餐廳，咁就要食下啦。依個新加坡既招牌菜，豉椒辣蟹既變奏版，真係幾特別喎。脆片係即叫即炸，好香脆可囗，有啲似豬皮炸出黎，好特別。而辣蟹係凍即，豉椒味好濃，幾好食。安娜的鮮果蛋白塔$48依個紐西蘭即著名甜品，其實我係唔同既地方，食過好多次，而依到既蛋白塔係最酥脆既。蛋白塔超大一個，影相一流。上面放左草莓同藍莓，外層既味道唔錯，但可惜店家應該用香港雞蛋，有鼓蛋白既腥味，建議用日本蛋就更好。芝士蛋糕$48由於當日雪櫃壞左，所以只好食冇雪糕既甜品。芝士蛋糕不結實，軟身綿密，味道都唔錯。