Video
Read full review
2022-09-02
634 views
又一間新開的yakitori店見到有幾個睇開嘅Foodie都有讚佢，所以我都嚟試吓啦。由日本師傅主理，環境幾靚，感覺上係幾正宗。食物方面，我覺得有hits and misses, 有幾樣嘢幾好食，但係又有啲嘢係麻麻哋。炭燒帶子幾好食有炭嘅味道然後帶子亦都燒得啱啱好..雞俾肉方面，雖然佢都脹卜卜，但係我覺得佢燒得乾咗啲，唔夠Juicy.. 之後我哋又再叫多一串，第二次嗰轉就好似好少少雞尾都係，我本身好鍾意食雞尾，鍾意佢有啲油香，但係佢呢度就燒到好似有啲燶，冇咗油香，呢個又係後尾再追加嘅時候嗰轉好少少，所以感覺上佢哋調整火候有啲唔係好consistent.. 有啲係燒過龍，好多串都係比較偏乾。反而牛脷同埋和牛串就好好食。同埋雞軟骨都好食。 叫咗個雲朵雞蛋飯，係好靚好上鏡，不過味道其實冇乜特別。親子丼都係，我覺得佢整得太watery, 同埋入邊嘅雞唔夠滑，成碗飯味道比較偏淡，唔係一食wa wa聲嗰種。不過佢哋啲酒幾好飲，我哋四個人飲咗五支😛服務方面，唔係話佢哋唔Nice，但係好似有少少唔係太專業，因為感覺到佢哋想做比較高級嘅日式串燒，價錢同定位係想係咁，但係佢哋嘅店員就俾唔到呢種感覺人，係有
見到有幾個睇開嘅Foodie都有讚佢，所以我都嚟試吓啦。
由日本師傅主理，環境幾靚，感覺上係幾正宗。
食物方面，我覺得有hits and misses, 有幾樣嘢幾好食，但係又有啲嘢係麻麻哋。
炭燒帶子幾好食
有炭嘅味道然後帶子亦都燒得啱啱好..
雞俾肉方面，雖然佢都脹卜卜，但係我覺得佢燒得乾咗啲，唔夠Juicy..
之後我哋又再叫多一串，第二次嗰轉就好似好少少
雞尾都係，我本身好鍾意食雞尾，鍾意佢有啲油香，但係佢呢度就燒到好似有啲燶，冇咗油香，呢個又係後尾再追加嘅時候嗰轉好少少，所以感覺上佢哋調整火候有啲唔係好consistent..
有啲係燒過龍，好多串都係比較偏乾。
反而牛脷同埋和牛串就好好食。
同埋雞軟骨都好食。
叫咗個雲朵雞蛋飯，係好靚好上鏡，不過味道其實冇乜特別。
親子丼都係，我覺得佢整得太watery, 同埋入邊嘅雞唔夠滑，成碗飯味道比較偏淡，唔係一食wa wa聲嗰種。
不過佢哋啲酒幾好飲，我哋四個人飲咗五支😛
服務方面，唔係話佢哋唔Nice，但係好似有少少唔係太專業，因為感覺到佢哋想做比較高級嘅日式串燒，價錢同定位係想係咁，但係佢哋嘅店員就俾唔到呢種感覺人，係有少少未夠pro嘅感覺。
一入到去話幫我keep起我袋嘢，好似好有服務，但係結果走嘅時候又唔記得俾返我😅我自己都唔記得話晒飲咗五支酒😂
而家諗緊好唔好去攞返，因為都唔順路 （其實係漏咗盒月餅）
不過店主好Nice
我哋坐到差唔多最後一台
佢又走來同我哋飲酒
知道我生日仲請我食甜品（其實係我屈佢，飲醉咗即刻唔客氣😂）
整體上我覺得叫做中規中矩
唔差嘅，環境同氣氛有加分
食物同服務係有改善嘅地方
坦白講，如果銅鑼灣嚟講我覺得炭火地雞比佢更好食，而且性價比高好多，雖則環境就冇咁靚。
而且整體上都仲係未及得上中環嗰四大串燒。
而家越開越多串燒店，想要特圍而出，真係要再落多啲苦功。
Rating : 7/10
Around $1600pp (飲咗五支sake, 4pax) 正常應該我諗$800-$1000pp
Post
