巴辣仔烤魚

Open Now

Now Closed

老公知道我鐘意食烤魚，近來呢度開左間新餐廳，除左食烤魚外，仲有燒烤同小食等，所以佢就帶我黎食。餐廳地方好大，好乾淨，坐位好寬落，坐得好舒服。外面有杞子菊花茶任斟任飲，晚市仲有冰花放題。我就揀左條沙巴龍躉做烤魚，另外加左金菇同大豆芽等配料，老公就再叫左串燒同錫紙系列。沙巴龍躉烤魚：平時蒸就食得多，用黎做烤魚都係第一次。老公唔食得辣，所以就揀左金銀蒜香味。沙巴龍躉真係夠晒大條，魚煎過先去烤。上面勁多蒜頭同蒜蓉，入口勁香蒜蓉味道，帶DD辣；另外我鐘意佢無細骨，肉質比較彈牙同滑。加埋金菇同大豆芽一齊食，兩款都吸汁，大豆芽爽口，整體越食越惹味，真心覺得好食。海陸空把把燒 (32串)：點左BB辣，有牛肉、雞胗、粟米、臘腸、芝士腸同魷魚須等，上嘅時候用火keep住熱，細細串，容易食，香口，少少辣，好味。卜卜蜆蒜香味：size正常，帶鮮味，海鮮配蒜蓉味就最夾。冰花：呢度冰花放題做甜品好受歡迎，見到有小朋友食完又去攞，我都食左兩轉，冰冰涼涼，幾好食。配料都幾多選擇，有果汁爆珠、西瓜粒、葵花籽同花生碎等，夏天食呢個就啱晒。