小魚兒 (寶漢大廈) (Closed)

公司附近新開酸菜魚，見佢幾特別成條大魚上， 無花無假，碳火烤魚係火鍋形式，可以另加配菜。♡江團魚鮮九葉花椒BB豆花$348另外有款酸菜魚鍋平$100， 但黎到無理由唔試烤魚，烤魚有4款，揀左江團魚又滑又唔多骨刺。上碟勁大一條，2個人食超級飽， bb辣唔會好辣，湯底有芫茜、洋蔥、青瓜、寬粉、豆腐， 餸飯一流。♡白飯 $15♡鹽燒牛胸爽 $38除左烤魚雞煲，仲有好多串燒選擇。牛胸爽抵食，有10塊左右，燒到似雞皮咁，口感唔錯， 但記得趁熱食。♡燒牛舌心串 $33好厚牛舌心，有幾款味可以選擇， 最後揀孜然。♡飲品放題$28飲品好多選擇，第一次見「有得解」罐裝飲料，仲有自家泡茶，金鳳烏龍同桂花綠茶。桂花綠茶太香唔建議。仲有熱維他奶同麥精。