So Doughlicious (Closed)

最近IG 見到葵涌新開左間店，主打即叫即炸Doughnut🍜🍩, Sandwiches🥖同Snack. 另外仲有Special Menu。見佢Special Menu個紅酒牛肉好吸引，放飯買左個試，淨係個汁都食兩碗飯真係好食😋，應該用咗牛肋條好淋好入味，連舊紅蘿蔔都好入味👍🏾但係佢淨係做兩星期之後會轉，所以應該會食多次先。本身好鍾意食菇，所以叫多咗一份神級炸蘑菇，炸完外邊好脆，入邊唔會乾晒仲好Juicy,但係如果一個人食，食到最後可能會好漏。2個人Share 就Perfect. 之後見兩樣都唔錯，Tea time 去試埋佢主打冬甩，去到嗰陣見到佢哋整緊新鮮嘅😍，即叫即炸大約8分鐘，炸完外邊脆入邊唔會好實同乾，仲有少少濕潤中和番外面嘅炸，好食過出邊某間有幾間分店嘅D__ 兄弟。試咗檸檬🍋味，唔似坊間嗰啲落勁多糖嘅檸檬，食完感覺冇咁有罪惡感添😂因為即刻食，所以檸檬夠晒凍，有冰火交融嘅感覺。如果唔係即刻食就應該會變熱，因為新鮮炸出嚟外邊真係熱。