Video
Read full review
2019-11-20
95 views
元朗一向不多有質素嘅咖啡店，所以One Third 開咗之後，小店即刻好有人氣，星期日12點幾已經有條小人龍，部份菜式仲已經賣晒，好誇張。我地揀咗坐室外位置，非常寫意，有一刻仲以為自己身處西貢呢。炒蛋配烤酸種麵包（$68）+煙三文魚（$25）炒蛋炒得嫩滑，而且食落有奶香，味道唔錯。煙三文魚有三四塊，入口微酸，剛好中和煙三文魚嘅鹹香，都幾開胃。酸種麵包唔會好硬，口感煙韌彈性。不過價錢就略嫌偏貴。Fresh fruit bowl ($78)賣相好靚，穀物片上舖滿唔同顏色嘅水果，例如士多啤梨、青蘋果、藍莓、無花果、西柚，色彩繽紛，令人食慾大增。倒上Greek yoghurt，清爽又健康，再自行加蜜糖調節甜度，簡單好食！這天跟餐+$20 點了一杯expresso，入口順滑，帶濃郁咖啡香氣。如果跟餐可以選擇其他咖啡就更好啦。最後，香港加油！
我地揀咗坐室外位置，非常寫意，有一刻仲以為自己身處西貢呢。
炒蛋配烤酸種麵包（$68）+煙三文魚（$25）
炒蛋炒得嫩滑，而且食落有奶香，味道唔錯。煙三文魚有三四塊，入口微酸，剛好中和煙三文魚嘅鹹香，都幾開胃。酸種麵包唔會好硬，口感煙韌彈性。不過價錢就略嫌偏貴。
Fresh fruit bowl ($78)
賣相好靚，穀物片上舖滿唔同顏色嘅水果，例如士多啤梨、青蘋果、藍莓、無花果、西柚，色彩繽紛，令人食慾大增。倒上Greek yoghurt，清爽又健康，再自行加蜜糖調節甜度，簡單好食！
這天跟餐+$20 點了一杯expresso，入口順滑，帶濃郁咖啡香氣。如果跟餐可以選擇其他咖啡就更好啦。
最後，香港加油！
Post
