茶餐廳2.0 (Closed)

同朋友食下午茶，發現現崇山開左一間新餐廳叫茶餐廳2.0幾特別，有室內及室外可以座。午市餐牌下午茶3-6點可以減$10又幾抵食。我地點左2個午市套餐D香煎澳洲牛扒和E鮮茄焗魚柳飯、仲有其它串燒。莓莓仲夏，呢杯沙冰幾fresh。香煎澳洲牛扒配意粉，牛扒煎到好香，肉質又淋又大塊，意粉又軟熟。鮮茄焗魚柳飯，飯炒到粒粒分明焗飯仲要是炒飯底又香，魚柳又嫩滑，上面又舖上芝士焗幾美味可口。雞泡魚干燒到好乾身又好香，雞泡魚干煙煙韌韌又甜甜地好好味。芝士燒大啡菇，大啡菇好juice配上濃郁的芝士更加好味。