RuRu Tapas Restaurant (Closed)

🥢西班牙雜菜湯 $88雜菜湯除咗蕃茄嘅味道，亦有好明顯嘅醋酸味。酸味比預期重。蕃茄、蘿蔔、洋蔥、西芹切得幼細亦煮得軟腍。仲食到少少牛肉粒。🥢燒牛肉 $198燒牛肉份量唔少，有八件片厚切。牛肉大概燒到八、九成熟，但都算易咬。牛肉表面有大量蘑菇，底下有好多紫洋蔥🧅同埋火箭菜。紫洋蔥煮到軟腍冇青味。火箭菜仲有少少黑醋味道。🥢白酒辣蜆肉意大利麵 $168意粉煮到al dente，亦有橄欖油嘅香味。但辣味冇想像中咁明顯，好彩有辣肉腸點綴。蜆肉大隻厚肉又鮮味。