1968 Bistro (TKO Spot)

Open Now

Now Closed

見開左幾日就去試下，平時比較少人，知道這間原身係深水埗有，但一直未去試。今晚一家人就去試新餐廳，由於餐牌set左得2版，服務員很好，一入到去會話定比我們聽暫停未有千層麵同薄餅。點左紅酒燴牛肉飯，香蒜蟹肉配軟殼蟹意粉，最後點埋美國安格斯肉眼牛扒。落單前職員會再多次今日餐湯係雜菜湯。先講賣相，湯方面一杯杯幾靚幾方便客人飲用，另外配上蒜茸包幾香。紅酒燴牛肉飯：賣相普通，汁未夠濃，牛肉味重。香蒜蟹肉配軟殼蟹意粉：賣相比隻軟殼蟹吸引左，食前要撈晒啲汁先，唔係食到最後會覺得咸左啲，可以一試。美國安格斯肉眼牛扒：賣相ok，牛肉味普通，叫左7成，但似9成多啲，可能因為薄，但我估唔到係用日本甜薯仔做配菜，有小小唔太夾咁一甜一咸，但個沙律菜可以多小小配上胡麻醬好夾。餐茶就無咩特別。總括來講：新餐廳新風格，大家可以去試試。