越湯

Open Now

Now Closed

最近經深水埗發現開咗間新嘅越南店，主打多款地道主食，湯粉、檬粉、米飯、小食，飲品樣樣有齊，外賣自取性價比極高，經過不妨都買返屋企同屋企人開大餐😎先講講主食，撈檬嘅配料超級豐富，青瓜絲、蘿蔔絲、酸菜、花生碎等，檬粉軟硬度適中，醬汁酸甜，夏天食十分開胃🤤 香茅雞翼炸至酥脆可口，咬落外脆內嫩、扎肉厚切，口感唔錯👍🏻湯粉有幾款選擇，河粉滑溜，金邊粉爽彈、湯底夠清，飲完都唔會覺得口渴～ 配料有手打牛丸同香茅豬扒，牛丸紮實，彈牙，肉味濃郁、豬扒幾嫩，唔乾，可以一試🐷小食性價比高，米網春卷外皮香脆，沾埋甜酸醬更加美味、蔗蝦有三小件，啖啖香甜蝦肉都幾滿足、雞翼散發著蒜香牛油味，比起香茅雞翼更加邪惡、仲有串燒雞肉同牛肉，燒得唔乾，仲幾嫩添，有驚喜喎🤣