Video
Read full review
2018-07-30
115 views
元朗嘅餐廳，每日食一間，食一年都可以數重複因為你食完依365間有機會已經開返365間新鋪俾你食另外一方面咁講，元朗啲餐廳真係好難捱今次我地又嚟試新餐廳點解會知佢開咗間新餐廳？因為佢坐立係開心小聚隔離食開心小聚要等位嘅時候得閑都會望隔離由佢裝修到開張今日就嚟試一試！環境幾好㗎 ！幾舒服乾淨，冷氣啱啱好，不過嗰日星期六，都係坐唔滿，真係睇佢有啲擔心，因為見佢哋冇做宣傳，有冇咩特別優惠做間要吸引人黎食真係要加油通常餐紙印得嘅食物都應該係招牌菜所以我帶咗巴馬火腿薄餅同埋鹹豬手跟左餐、有湯有嘢飲不過唔記得影相個湯係南瓜忌廉湯，好甜，幾好飲跟埋餐包點湯👍🏻有個朋友冇叫湯就跟咗個餐沙律，又係冇影相，係煙三文魚沙律嚟㗎因為在座有個人要減肥，所以直情叫咗個沙律：雞肉凱撒沙律個沙律菜好新鮮，醬都好好個雞肉咸度啱啱好，烤得啱啱好，無好干不過我覺得菜既份量有啲細反而唔使俾咁多雞肉前菜要左個墨西哥烤餅上面嗰啲醬都係跟反大路牛油果、忌廉同蕃茄不過佢入邊就夾左一層肉醬食落去都幾漏下不過個餅焗得好脆都唔差，不過唔可以列入去好食嘅墨西餅list 巴馬火腿薄餅燒牛肉在坐又有人唔鍾意食生牛肉，係做到七成熟嘅情況下都係好林，
食一年都可以數重複
因為你食完依365間
有機會已經開返365間新鋪俾你食
另外一方面咁講，元朗啲餐廳真係好難捱
今次我地又嚟試新餐廳
點解會知佢開咗間新餐廳？
因為佢坐立係開心小聚隔離
食開心小聚要等位嘅時候得閑都會望隔離
由佢裝修到開張
今日就嚟試一試！
環境幾好㗎 ！
幾舒服乾淨，冷氣啱啱好，
不過嗰日星期六，都係坐唔滿，
真係睇佢有啲擔心，
因為見佢哋冇做宣傳，有冇咩特別優惠做間
要吸引人黎食真係要加油
通常餐紙印得嘅食物
都應該係招牌菜
所以我帶咗巴馬火腿薄餅同埋鹹豬手
跟左餐、有湯有嘢飲不過唔記得影相
個湯係南瓜忌廉湯，好甜，幾好飲
跟埋餐包點湯👍🏻
有個朋友冇叫湯就跟咗個餐沙律，
又係冇影相，係煙三文魚沙律嚟㗎
雞肉凱撒沙律
2 views
0 likes
0 comments
因為在座有個人要減肥，
所以直情叫咗個沙律：雞肉凱撒沙律
個沙律菜好新鮮，醬都好好
個雞肉咸度啱啱好，烤得啱啱好，無好干
不過我覺得菜既份量有啲細
反而唔使俾咁多雞肉
墨西哥烤餅
5 views
0 likes
0 comments
前菜要左個墨西哥烤餅
上面嗰啲醬都係跟反大路牛油果、忌廉同蕃茄
不過佢入邊就夾左一層肉醬
食落去都幾漏下
不過個餅焗得好脆
都唔差，
不過唔可以列入去好食嘅墨西餅list
火箭菜巴馬火腿薄餅
3 views
0 likes
0 comments
巴馬火腿薄餅
2 views
0 likes
0 comments
燒牛肉
在坐又有人唔鍾意食生牛肉，
係做到七成熟嘅情況下都係好林，
好難得！
又有牛味，而家寫食評都仲記得番陣味
4 views
0 likes
0 comments
脆炸德國鹹豬手
嗱！
依個就可以列入去好食德國鹹豬手list啦！
喊度適中，本身個豬手又好靚
揸得又脆、但入邊嘅豬手又唔會好乾
執邊啲橙同沙律，唔止係裝飾，仲好好食
不過下面啲酸菜就麻麻哋啦。
7 views
0 likes
0 comments
食西餐一定要試吓佢嘅甜品
我哋好多時都會叫Tiramisu
依個就麻麻啦！
對於成餐有啲減分添，
可能因為我哋係另一間元朗西餐食過一個好好食㗎啦！所以有奇望！
最後埋單係朋友請所以唔係太知幾錢，
不過就咁睇餐牌各樣野都唔係貴，
冇記錯嘅話，
例如一個Pizza都係幾十蚊至百零蚊，
一個沙律都係$80 到
總括而言，依一間餐廳絕對係可以再去
如果你住喺附近，
我會推介你過去食個閒飯
因為價錢唔係貴，質素有返咁上下
食Pizza Hut都要呢個價錢啦！
因為有心做嘅餐廳真係好多
不過振得住嘅有幾多間呢？
希望我食完365間餐廳之後，
你會仲喺度啦！
Post
