Video
Read full review
2023-03-14
353 views
葵芳廣場排長龍葵芳返工嘅我可以話成日都會掃街，放工時候比我發現呢間排長龍嘅外賣韓國店，見個個都買搞到我又想試吓佢有咩咁好食就走去排隊買🤣辣椒蛋黃醬炸雞🍗（無骨）佢有好多款唔同味道嘅炸雞，而呢款嘅炸雞我覺得佢比較特別同埋出面少見，食落去嘅味道係真係蛋黃醬嘅味，但佢帶小小嘅甜辣味，朋友同屋企人都表示味道真係幾唔錯，絕對唔會係好辣所以可以放心食佢嘅炸雞有啲似韓國過江龍嘅炸雞一樣，食落去唔係好似KFC嘅炸雞，味道唔會好油，我幾鍾意呢種口感，所以無論係味道定係口感都係好唔錯，而且個包裝勁高貴芝士紫菜飯卷/烤豬肉紫菜飯卷因為同朋友喺街諗住方便食，就叫咗個一定唔會唔好味嘅紫菜飯卷，而且我見佢都幾多人買，仲要喺嗰度不斷咁繼續包緊飯卷，咁好賣應該唔會差朋友同我都表示芝士紫菜飯卷比起豬肉紫菜飯卷更加出色，但兩個飯卷裏面都係好足料。飯卷裏面有黃蘿蔔，紅蘿蔔蛋絲同芝麻。糖餡餅之前食過一次覺得好好食，今次嚟到呢單見到有又忍唔住買來食，呢間除咗呢個原味嘅糖餡餅之外，其實佢仲有三重芝士同埋黃豆粉麻薯，價錢都唔算貴，我覺得我下次可以試埋。放工時間佢真係超級誇張佈滿左好多人，一直都有人排隊，同等拎嘅人數都好多，雖然係新
葵芳返工嘅我可以話成日都會掃街，放工時候比我發現呢間排長龍嘅外賣韓國店，見個個都買搞到我又想試吓佢有咩咁好食就走去排隊買🤣
辣椒蛋黃醬炸雞🍗（無骨）
佢有好多款唔同味道嘅炸雞，而呢款嘅炸雞我覺得佢比較特別同埋出面少見，食落去嘅味道係真係蛋黃醬嘅味，但佢帶小小嘅甜辣味，朋友同屋企人都表示味道真係幾唔錯，絕對唔會係好辣所以可以放心食
佢嘅炸雞有啲似韓國過江龍嘅炸雞一樣，食落去唔係好似KFC嘅炸雞，味道唔會好油，我幾鍾意呢種口感，所以無論係味道定係口感都係好唔錯，而且個包裝勁高貴
芝士紫菜飯卷/烤豬肉紫菜飯卷
因為同朋友喺街諗住方便食，就叫咗個一定唔會唔好味嘅紫菜飯卷，而且我見佢都幾多人買，仲要喺嗰度不斷咁繼續包緊飯卷，咁好賣應該唔會差
朋友同我都表示芝士紫菜飯卷比起豬肉紫菜飯卷更加出色，但兩個飯卷裏面都係好足料。
飯卷裏面有黃蘿蔔，紅蘿蔔蛋絲同芝麻。
糖餡餅
之前食過一次覺得好好食，今次嚟到呢單見到有又忍唔住買來食，呢間除咗呢個原味嘅糖餡餅之外，其實佢仲有三重芝士同埋黃豆粉麻薯，價錢都唔算貴，我覺得我下次可以試埋。
放工時間佢真係超級誇張佈滿左好多人，一直都有人排隊，同等拎嘅人數都好多，雖然係新屎坑，但佢味道都真係唔錯，整體來講都真係好唔錯
Post
