Starry Night (Closed)

唔係朋友同我講，我都唔知銅鑼灣開左呢間新嘅蠔吧❤️佢地做緊個$468蚊任食生蠔嘅套餐，仲可以揀唔同嘅主菜同小食，非常抵！前菜方面有麵包，餐湯同煙三文魚，水準正正常常冇咩特別。主角就當然係任食嘅生蠔喇！可能因為任食嘅關係蠔唔算係好大隻，但都幾新鮮。餐廳提供幾款來自唔同國家嘅蠔，分別係韓國、南非同愛爾蘭，每款嘅口感同味道都略有不同。我自己就較鍾意韓國蠔，相對較大隻。主菜方面可以揀牛排、卡邦尼意粉同羊架。我地分別揀左牛排同羊架，我自己就覺得羊架係比較好食，煎到岩岩好熟，相當嫩滑。牛排就相對煎得較硬，冇咁推薦。