蘇潮韓海火鍋私房菜

Open Now

Now Closed

荃灣新開私房火鍋，勁多間房有K唱，仲要超高層景觀勁開陽，我梗係要去試吓啦，無晚市堂食都真係要過黎食個晏！半隻椰子雞煲，半隻雞同椰青另上，加入椰青水湯滾起在家半隻雞，先食新鮮菜心苗，索晒啲湯超好味。呢度食材毋庸置疑非常高質，滑牛肉滾兩滾牛味重肉嫩滑，好食過肥牛。湯鍋嘅雞件夠晒嫩滑，仲有少少椰子味，要食晒佢啦！滑牛肉都咁好味，就order多個招牌手打澳洲和牛牛丸，爽滑彈牙，有牛肉球嘅口感，濃郁牛味，冇得頂！至於海中蝦滑，上面仲有一粒粒小蝦肉，好似食緊彈牙嘅蝦肉咁，超正。最like嘅脆鯇魚骨腩、脆鯇片，肉質爽脆而且非常鮮味！爽口龍口粉絲同打邊爐唔少得嘅可樂，價錢相對水準，絕對超值！環境整潔度中上，食物質素頗高，冇限時，服務好，絕對係成幢火鍋最高質嘅一間。