RuRu Tapas Restaurant (Closed)

放工同細佬一齊食野，今次揀咗間新開食西班牙菜既餐廳。一入到餐廳就覺得環境好靚好舒服~我地點咗3樣野，包括生紅蝦刺身、紅酒辣肉腸配全麥麵包粒同埋西班牙黃油雞。紅蝦刺身係將西班牙紅蝦拆殼之後再壓扁，所以薄薄一片入面有好多隻蝦，食落好香海水味，上面加埋一粒粒既柚子汁分子料理同埋caviar。我地放喺薄脆既麵包上食，毫無違和感！至於紅酒辣肉腸配全麥麵包粒，我地先食咗辣肉腸，食落帶有鹹香，味道微辣。將麵包粒浸落紅酒汁到之後再食，味道令人驚喜！最後係西班牙黃油雞，佢好似八寶鴨咁，入面有滿滿既餡料。d餡料主要係豬肉腸粒同埋麵包粒碎，咬落脆脆地，同嫩滑既雞肉一齊食，口感好豐富。