渝人碼頭 (Closed)

朋友生日，喜好食辣野，上網search左呢間新開既麻辣火鍋，所以就卜左位黎試試!餐廳幾體貼，有圍裙唔驚彈到件衫~我地嗌左兩款湯底，一邊係麻辣小辣一邊係老鴨湯，老鴨湯可以飲，仲有鴨食，都唔錯~麻辣湯就堅辣，幾香，唔係一味得個辣字呢度既選擇都算ok，牛肉有幾款，嗌左兩款牛同牛舌，已經唔記得叫咩名XD 不過都好好味，好滑同有牛味，肥瘦適中，牛舌6一6就食得，無騷味跟住仲嗌左碟伊比利亞豬，估唔到呢度有！伊比利亞豬都幾出名好食，所以都唔會令人失望，一人一塊唔夠喉添@@值得一提既係呢個菇超特別，佢係連埋碌木一齊上枱，啲菇係呢碌木度生出黎，大家都覺得好神奇哈哈，味道唔錯無咩草青味^^仲有重點：鴨血！！自重食台灣麻辣火鍋認識左佢之後，就覺得一定要有，而呢間重慶風味既麻辣火鍋竟然都有得食，so surprise! 味道不錯，食落唔覺有腥味，而且夾落唔易散開，真才實料最後食完佢用酒杯俾左個沙冰我地飲，話食完辣野飲最岩喎，係蜜桃味，清清地食物質素總體都唔錯，有少少貴啦，每人400蚊左右，夠哂飽，中意食辣既朋友仔可以一試。