泰國婆

Open Now

Now Closed

今個星期屯門放工做完T R X後，就去V city行下，無意中發覺新開左一間泰國餐廳，入去試試。泰式炸蝦餅$58/三件佢嘅蝦餅炸得幾香口，而且蝦肉識落彈牙，三件佢會每件一開二，所以可以一口一啖，配埋泰式辣將食好惹味。太陽蛋炒香葉肉碎飯 $78呢個飯真係有啲驚喜，因為佢嘅香葉肉碎炒得非常之香，有少少辣經過咗調味之後，再配埋太陽蛋有少少流心嘅蛋黃，撈埋啲飯一齊食勁惹味。泰式冬陰功湯 $98相比之下呢碗冬陰功湯其實分量唔係好大，不過勝在味道唔錯。有一隻大大嘅海蝦而且都算足料，入邊有唔少嘅菇，酸酸辣辣係正宗泰國冬陰功湯嘅味道。泰式鳳爪沙律$78呢度整既鳳爪沙律我覺得味道適中，唔會過辣，食落好清爽，因為佢仲加咗啲洋蔥同埋蕃茄去做調味，所以食到咁上下，refresh下都幾好。