Video
Read full review
2016-03-30
278 views
因為最近工作好忙, 今日終於可以同友人去KITCHEN J 到食飯, 環境唔錯之餘仲係一個可以傾談既好地方。 呢到既MENU好特別, 好似睇緊一本飲食雜誌咁, 令我地花多眼亂, 花左不少時間去諗食咩好…..終於我地揀左以下幾款野食: 經典法式火腿芝士流心三文治一上枱, 原來份量亦都不惹小: 厚切而酥香既面包上鋪滿三種不同既芝士, 一切開熱溶既芝士係咁流出黎, 令我地二個芝士迷十分興奮!!!! 面包酥脆可口既味道伴以口感豐富而鹹香既芝士以及火腿, 我地以為咁樣食法一定好膩, 點知原來面包中除左火腿之外仲塗上一層薄薄既法式芥末, 微微酸辣既味道中和左三種芝士既油膩感, 令我地十分驚喜, 唔駛擔心之後既食物食唔哂啦!!! 焗釀大磨菇菇類其實係我最愛食物既其中之一, 見到有呢款食物就毫不猶豫就點左。佢有二款味道: 一款係帶子及巴馬火腿; 而另一款就係芝士波菜。大磨菇經過烤焗之後仍保持咁大同多汁, 蒜蓉牛油味濃既帶子, 再伴以巴馬火腿令味道有不同既層次, 而且加埋味道濃郁既大磨菇十分惹味。另一款芝士波菜, 濃郁既芝士同清甜既波菜, 再配埋多汁美味既大磨菇, 十分清新既田園氣息, 突出大磨菇既鮮
呢到既MENU好特別, 好似睇緊一本飲食雜誌咁, 令我地花多眼亂, 花左不少時間去諗食咩好…..終於我地揀左以下幾款野食:
經典法式火腿芝士流心三文治
一上枱, 原來份量亦都不惹小: 厚切而酥香既面包上鋪滿三種不同既芝士, 一切開熱溶既芝士係咁流出黎, 令我地二個芝士迷十分興奮!!!! 面包酥脆可口既味道伴以口感豐富而鹹香既芝士以及火腿, 我地以為咁樣食法一定好膩, 點知原來面包中除左火腿之外仲塗上一層薄薄既法式芥末, 微微酸辣既味道中和左三種芝士既油膩感, 令我地十分驚喜, 唔駛擔心之後既食物食唔哂啦!!!
焗釀大磨菇
菇類其實係我最愛食物既其中之一, 見到有呢款食物就毫不猶豫就點左。佢有二款味道: 一款係帶子及巴馬火腿; 而另一款就係芝士波菜。大磨菇經過烤焗之後仍保持咁大同多汁, 蒜蓉牛油味濃既帶子, 再伴以巴馬火腿令味道有不同既層次, 而且加埋味道濃郁既大磨菇十分惹味。另一款芝士波菜, 濃郁既芝士同清甜既波菜, 再配埋多汁美味既大磨菇, 十分清新既田園氣息, 突出大磨菇既鮮甜美味。
水牛芝士瑪格麗特簿餅
一上枱, PIZZA仍然保持溫熱既溫度, 好容易就可以切開一份份。芝士鋪滿整個餅面, PIZZA面皮雖薄卻十分香軟煙韌, 加埋水牛芝士同蕃茄以及外國蕃茜, 微酸甜而淡香既芝士令到整個PIZZA口感十分豐富同清新, 一點都不感覺油膩, 值得一試!!!!
特級煎加拿大牛柳配紅酒汁
牛柳表面煎得十分金香, 而且仲有一格格既坑紋印。熱騰騰既牛柳一切開, 就知道廚師掌握火喉十分好, 外面淺啡既顏色, 內裡粉紅而鬆軟。食落十分多汁鮮甜, 肉質彈牙而且香口美味, 肉味濃郁, 再加埋紅酒汁, 與牛柳味道十分配合而且帶出牛肉既鮮甜, 真係令人一試難忘!!!!
魔法黑白朱古力球
最近朱古力魔法球好興, 見到呢到既MENU有就急不及待叫左呢款甜品啦。一上枱白朱古力球放左係碟既中間, 用佢既熱朱古力漿係上面一淋, 3秒之後白朱古力就爆開左啦, 露出裡面既雪糕同士多啤梨, 真係令人賞心悅目。白朱古力與黑朱古力再配以雪糕感覺一點都唔膩, 甜度卻岩岩好, 而且加埋一啲粟米脆脆, 層次感十分豐富!!!
Post
