莆田 (Closed)

屋苑附近商場最近新裝修,加插咗好多新餐廳 ,一路都想去試下. 今日忽然即興一家三口決定去試下呢一間新餐廳“莆田“。服務員送上餐牌，由頭揭到尾都未能肯定屬於咩菜式餐廳， 因為餐牌包括上海、潮州、新加坡、馬來西亞……總之東南亞菜式就是。餐廳似乎重點推介嘅係黃花魚菜式，因為餐廳裡面有電視大螢幕不斷播出佢哋捕捉黃花魚 與及冰鮮保鮮嘅全部過程， 於是就點咗個沙碢魚湯煲。 一個小砂鍋煲，份量足夠 三至四人 食用，揭開煲蓋， 新鮮熱燙 ，上湯顏色濃稠奶白 味道鮮甜 ，還有一些煎香黄花魚肉非常鮮味 ，但這個湯絕對不適宜小朋友飲用，因為湯裏面 包含有魚骨 ，大人 飲用亦要特別小心。叫咗個九轉小腸做小食 ，味道 似台灣嘅滷水 食品， 味道一般 但賣相小巧 ，上桌時 有一個保溫盅以保持食物 溫熱。另外叫咗個 莆田鹵麵 ，上餐桌嘅時候有一種兒時嘅感覺 因為好似兒時食既狗仔粉 ，湯汁 略為濃稠， 並唔係清湯 ，麵條 軟冧 海鮮料亦非常豐富。還有做得好好嘅芋鴨，外皮有啲似芋角，裏面有鴨肉， 所以每啖都外脆內軟，非常好味。最後點了一個不大好吃嘅香煎蚝蠣 ，因為粉漿太多而蠔仔太細 唔係幾食得出蠔的鮮味。整體價錢屬於中