Mr. Right (Closed)

今日去左一間西菁街新既西餐廳，見到個裝潢簡潔得嚟又帶點個性，重點係環境係比較闊落乾淨，日頭時刻仲可以透啲自然光入店夠晒寫意。一問之下先知今日係第一日開始做lunch時間，可見依間店真係剛開無耐散叫既menu，但lunch hr都係食lunch set划算啲！蟹肉魚子醬龍蝦汁天使麵 $78幼幼麵質，雖然係幼身但吾會易斷！蟹肉依附係每一條既天使麵上面，好rich！燒澳洲肉眼扒配燒汁 $128煎得剛好，配上燒汁好搭。而額外仲有薯條同埋蔬菜所以份量對我而言係夠晒數！澳洲牛無美國牛甘重牛味，岩晒我個飯！包餐湯-南瓜湯好濃郁，又吾會過於漿口。我同朋友都好喜歡飲田園風味沙律好Fresh！加左啲沙律醋，但食落有啲咸味好得意。甜品-紅莓cheese cake依個甜品有驚艷我，本身覺得好大，一人一件會否太over？但食落真係停吾到口！紅莓酸甜酸甜平衡左cheese cake既heavy...但其實本身芝士蛋糕個部分都算light，偏軟身～仲嗌左飲品—蘋果檸檬汁Rose Latte 玫瑰味吾會好強，但甜度同咖啡味既比例對我泥講岩岩好，偏甜既！整體都幾好，空間感強，岩晒hea一個下就！