喜相逢 (砵蘭街)

Open Now

Now Closed

有時覺得成日出去食咁多Cafe野、韓國日本野都有啲大魚大肉了，有時會想食返少少中式野，清淡啲、簡簡單單反而仲好。不過好多時係街隨隨便便咁搵都好易中伏。今日去開太子，就搵到呢一間食餃子嘅。白菜豬肉餃&雲耳椰菜豬肉餃雙拼（$40）呢間主打食餃子嘅，咁就緊係必點餃子啦。都有幾種餡選擇，白菜、雲耳椰菜都想試，所以決定叫雙拼，每款各4隻。鐘意啲肉餡無味精味，調味亦唔會太鹹。啲餃子仲係當日新鮮包嘅，無擺過落雪櫃。又真係會好食少少，可能因為個皮無雪過，唔會因為收乾左水而太硬身太粉感。見到師傅同姐姐包餃子都包到唔停手。雞絲湯麵（$36）除左點餃子，決定叫個麵試下。呢個雞絲湯麵唔辣嘅，啱曬唔食得辣嘅人。麵質方面無咩特別，合格嘅。蒜蓉萵荀絲（$68）而家食飯好多時都鐘意叫多碟菜，健康啲。呢個蒜蓉萵荀絲，雖然係「炒」，但完全唔油，同埋最緊要唔辣，清淡啲健康啲。呢個屬於兩人份量，一碟如果自己一個人食會食唔曬。題外話，其實本身係見到呢間個門面幾特別，好有中式復古feel。真係有啲估唔到，呢間裝修得幾別緻，但啲餃子同麵嘅價錢卻仍然係抵食嘅街坊價錢。