田園果汁

Open Now

Now Closed

呢日去咗排就嚟結業嘅串燒屋，真係人山人海到一個點，排到轉哂彎排足三個鐘😅，排到去果汁舖呢到。因為天氣太熱，所以都順便買返杯嘆下，同行亦有唔少人幫襯。價格就中等啦，始終係鮮榨果汁，水果都唔平嘛。呢到有各式蔬果水果組合任君選擇🍎🍐🍊🍋🍌🍑🥭🍍🍇🍈🥕，真係花多眼亂！我見主要係雙併果汁，size就有得揀細杯、大杯同樽裝。由於我本身鍾意食檸檬🍋，加上menu第一樣特別推介就係🍎蘋果拼檸檬汁，所以就叫咗一杯大嘅($23)，個介紹寫住「新鮮天然果汁、香甜、好飲、美白、豐富維他命🤣。店主收到order後就即刻開機榨，好快就有得飲。估唔到果汁榨完出嚟係漸變色😍，幾靚！飲落幾fresh，檸檬味比蘋果味出，無落糖，但又唔會太酸，估計係蘋果中和返🤤，開胃解渴。底部有啲渣，証明係足料榨。果汁唔係冰凍，因為唔落冰，應該係靠生果本身凍維持個溫度，但都係凍嘅。總括嚟講，呢杯蘋果檸檬汁幾唔錯，幾清新，間唔時飲下果汁好過飲果茶啦😙。不過大杯裝都唔係好大，唔夠喉啊。如果下次經過，我都會再嚟幫襯，試下其他組合。