Video
Read full review
2020-09-12
28 views
最近香港興起一股台灣古早味蛋糕熱潮，咁啱觀塘區都新開左一間古早王國，一向喺呢頭覓食嘅蛋糕控當然要過去試下。古早味顧名思義就係古老作法之下嘅傳統味道，但除左保留濃郁嘅雞蛋香之外，新式古早蛋糕都出咗好多款唔同口味，古早王國嘅古早蛋糕就有七種，分別係原味、芝士、朱古力、肉鬆、蜂蜜綠茶、養生核桃同棷子味，因為係每日新鮮原料製作嘅手工現烤蛋糕，不含防腐劑唔會有存貨，所以有D味賣晒就冇嫁喇，有目標口味想試嘅就要早少少去喇。我揀左比較清新嘅蜂蜜綠茶味，返到屋企一開盒，烤蛋糕嘅面層就蛋香撲鼻，企到遠遠就已經聞到果陣令人流晒口水嘅蛋糕味，切開後綠茶色嘅蛋糕心又湧出少少綠茶同蜂蜜蛋糕嘅香味，絕對唔會蓋過雞蛋香味之餘，可以話令蛋糕味道有上升到另一層次，真係好香嫁。部分古早蛋糕質地會偏鬆綿，而古早王國嘅古早蛋糕有Q彈嘅口感又不失蛋糕應有嘅軟綿感，真係好似優質海綿床褥咁好有彈性，金屬叉壓落舊蛋糕上都唔會一下子切開咗，我仲拎返起就左幾下角度都唔會留痕，切口乾淨又靚代表蛋糕質地唔會過於鬆軟乾身，整體富有綿密而濕潤感，口感一流；味道就係唔算太甜嘅蜂蜜蛋糕，綠茶味唔算重，但雞蛋味超濃郁。依加買蛋糕仲有格仔卡，每買一個
最近香港興起一股台灣古早味蛋糕熱潮，咁啱觀塘區都新開左一間古早王國，一向喺呢頭覓食嘅蛋糕控當然要過去試下。
古早味顧名思義就係古老作法之下嘅傳統味道，但除左保留濃郁嘅雞蛋香之外，新式古早蛋糕都出咗好多款唔同口味，古早王國嘅古早蛋糕就有七種，分別係原味、芝士、朱古力、肉鬆、蜂蜜綠茶、養生核桃同棷子味，因為係每日新鮮原料製作嘅手工現烤蛋糕，不含防腐劑唔會有存貨，所以有D味賣晒就冇嫁喇，有目標口味想試嘅就要早少少去喇。
我揀左比較清新嘅蜂蜜綠茶味，返到屋企一開盒，烤蛋糕嘅面層就蛋香撲鼻，企到遠遠就已經聞到果陣令人流晒口水嘅蛋糕味，切開後綠茶色嘅蛋糕心又湧出少少綠茶同蜂蜜蛋糕嘅香味，絕對唔會蓋過雞蛋香味之餘，可以話令蛋糕味道有上升到另一層次，真係好香嫁。
部分古早蛋糕質地會偏鬆綿，而古早王國嘅古早蛋糕有Q彈嘅口感又不失蛋糕應有嘅軟綿感，真係好似優質海綿床褥咁好有彈性，金屬叉壓落舊蛋糕上都唔會一下子切開咗，我仲拎返起就左幾下角度都唔會留痕，切口乾淨又靚代表蛋糕質地唔會過於鬆軟乾身，整體富有綿密而濕潤感，口感一流；味道就係唔算太甜嘅蜂蜜蛋糕，綠茶味唔算重，但雞蛋味超濃郁。
依加買蛋糕仲有格仔卡，每買一個蛋糕就有一個印仔，買滿五個就減五蚊，買滿十個就送一個古早蛋糕，住開呢區返工返學，買一條返屋企做全家人早餐，話都冇咁易就儲夠印仔啦！
Post
