Video
Read full review
2014-05-30
5609 views
睇一睇餐牌，我原本想叫SET，始終今餐講好咗係朋友請，廢事要人地洗咁多錢啦，但朋友話想散叫喎，咁我就唔客氣喇 當日人都幾多吓，侍應睇落好忙，但坐喺度唔洗8分鐘就上咗餐前包，真係估唔到，仲快過某啲茶餐廳……餐前包都有兩款，好似共四個包，仲配咗啲餅乾同餅乾條添。餐前包幾好味喎！仲配埋個酸酸甜甜嘅香草蕃茄醬，好夾，好好味！好喇，上完包就上頭盤，我點咗巴馬火腿芝士拼盤、海鮮拼盤，同佢地而家做緊promo嘅蜘蛛蟹（$338/隻）。一上枱……嘩！隻蜘蛛蟹好大隻呀！聽侍應講，啲隻有成1公斤重架！即刻叫朋友幫手拆肉先 蟹肉好鮮甜，都算幾多肉。好喇，食完蟹就食海鮮拼盤。海鮮拼盤入面有生蠔、烚蝦、青口，同埋翡翠螺。生蠔睇落應該係 L'Emeraude 同 Gillardeau ，好鮮甜，有海水味，冇殼碎，正！青口出奇地唔韌（我食過好多都好韌，可能係冰鮮嘅關係啦X(），仲要好鮮甜，同埋都係有海水味架！真係估佢唔倒！至於烚蝦，一般啦。然後食巴馬火腿芝士拼盤。巴馬火腿比起我之前食過嘅味道好唔同，美味之餘，又唔會太鹹，唔知係咩牌子架呢？至於芝士，一般啦……個人唔太好藍芝士，仲有點解巴馬火腿芝士拼盤會有西芹同紅蘿
當日人都幾多吓，侍應睇落好忙，但坐喺度唔洗8分鐘就上咗餐前包，真係估唔到，仲快過某啲茶餐廳……餐前包都有兩款，好似共四個包，仲配咗啲餅乾同餅乾條添。餐前包幾好味喎！仲配埋個酸酸甜甜嘅香草蕃茄醬，好夾，好好味！
好喇，上完包就上頭盤，我點咗巴馬火腿芝士拼盤、海鮮拼盤，同佢地而家做緊promo嘅蜘蛛蟹（$338/隻）。
一上枱……嘩！隻蜘蛛蟹好大隻呀！聽侍應講，啲隻有成1公斤重架！即刻叫朋友幫手拆肉先 蟹肉好鮮甜，都算幾多肉。
好喇，食完蟹就食海鮮拼盤。海鮮拼盤入面有生蠔、烚蝦、青口，同埋翡翠螺。生蠔睇落應該係 L'Emeraude 同 Gillardeau ，好鮮甜，有海水味，冇殼碎，正！青口出奇地唔韌（我食過好多都好韌，可能係冰鮮嘅關係啦X(），仲要好鮮甜，同埋都係有海水味架！真係估佢唔倒！至於烚蝦，一般啦。
然後食巴馬火腿芝士拼盤。巴馬火腿比起我之前食過嘅味道好唔同，美味之餘，又唔會太鹹，唔知係咩牌子架呢？至於芝士，一般啦……個人唔太好藍芝士，仲有點解巴馬火腿芝士拼盤會有西芹同紅蘿蔔條架呢？仲要配提子囧 應該配哈蜜瓜丫嘛，咁先夾加嘛！
跟住上餐湯，因為隔離枱傳出好香嘅龍蝦味嘅關係，所以我點咗龍蝦湯，飲完先知伏咗囧 其實個人冇飲過好味嘅龍蝦湯，今次都唔例外，啲湯味道太濃喇，掩蓋晒龍蝦肉嘅味道，但朋友就話好好味喎。下次我都係乖乖地叫返佢個雜菌湯算喇，穩陣啲，實冇死（通常較高級嘅西餐廳，啲款湯都整得唔錯）XD
好！食完一輪，終於上主菜：鮑魚意大利飯 & 豬鞍。豬鞍個樣望落有啲似羊架，不過食落的確係豬尼嘅！XD 第一個感覺係，好易咬XD 連我啲個本身牙力唔係好好嘅人都覺得好易咬得斷！味道唔錯，冇一般豬肉嘅「老」味，肉質外彈內軟，配埋個汁，感覺係好滑，一啲都冇鞋口嘅感覺！值得一讚！
食完主菜都飽飽地，同朋友傾陣計，又連叫咗兩杯可樂尼飲（本身我就係一個可樂桶），回一回氣之後，Encore咗三隻鮑魚同四隻生蠔（因為啲海鮮真係好新鮮，好鮮甜，好好味呀！尤其我本身鍾意食鮑魚XD）。
最後就上甜品喇～甜品老實講，真係好普通，最好味係個Panna Cotta。熱情果chessecake 朋友話覺得幾好味，不過個人好怕酸，所以就覺得唔係好入倒口喇。之後為咗同朋友傾多陣計，就叫多咗件荔枝mossecake。
開心嘅一日就咁結束。
Post
