Video
Read full review
2018-08-08
15 views
happy Friday嚟食串燒，舖頭好多人，我哋即刻用落單紙叫嘢食每個客人都有呢碟三色醬汁，其中蒜香醬油令我哋十分impressed有隻好似泰式生蝦辣醬嘅，用嚟點海鮮就夾啲中間嘅粗海鹽就冇咁多用啦燒牛舌火候剛好，燒熟透得嚟又唔會韌，入面可以保持粉嫩，食落爽口彈牙燒白鱔幾乎係必嗌嘅，見到嚟親每檯客人都有外面輕輕醮上一層薄薄炸粉，包裹住雪白嘅肉同香脆嘅魚皮，魚油鎖住哂係入面，好好食燒茄子並唔係原條上，厚切咗一片片，外面燒乾，加上上面舖滿蒜泥同醬汁另外叫咗個特飲：水果花茶茶包係茉莉花茶，倒得滿滿嘅，加上凍冰冰嘅水果，就變成水果花茶切得大大舊嘅水果，有西瓜，哈蜜瓜同火龍果，水果都係時令，所以幾甜最後仲有個燒蘑菇同燒茄子一樣，上面都係有好多蒜泥，一咬落去好有蘑菇香整體嚟講呢度地方都幾闊落，一路食一路吹水，係幾適合三兩個朋友傾偈嘅地方
每個客人都有呢碟三色醬汁，其中蒜香醬油令我哋十分impressed
有隻好似泰式生蝦辣醬嘅，用嚟點海鮮就夾啲
中間嘅粗海鹽就冇咁多用啦
燒牛舌火候剛好，燒熟透得嚟又唔會韌，入面可以保持粉嫩，食落爽口彈牙
燒白鱔幾乎係必嗌嘅，見到嚟親每檯客人都有
外面輕輕醮上一層薄薄炸粉，包裹住雪白嘅肉同香脆嘅魚皮，魚油鎖住哂係入面，好好食
燒茄子並唔係原條上，厚切咗一片片，外面燒乾，加上上面舖滿蒜泥同醬汁
另外叫咗個特飲：水果花茶
茶包係茉莉花茶，倒得滿滿嘅，加上凍冰冰嘅水果，就變成水果花茶
切得大大舊嘅水果，有西瓜，哈蜜瓜同火龍果，水果都係時令，所以幾甜
最後仲有個燒蘑菇
同燒茄子一樣，上面都係有好多蒜泥，一咬落去好有蘑菇香
整體嚟講呢度地方都幾闊落，一路食一路吹水，係幾適合三兩個朋友傾偈嘅地方
Post
