櫻木 (Under Renovation)

響灣仔，去完朋友屋企，響附近搵野食，見到呢間座落於The Hennessy的「櫻木」，日本料理。環境清優舒服，安排二人坐一大座卡位，知道呢度出名刺身同壽司，先叫𩶘魚$25同油甘魚壽司$25，各有各的鮮魚甜味，本人較愛油甘魚，魚香鮮味較重，還有厚切既玉子壽司$10件咋，甜甜地帶出蛋的香味。滑菇大根炸煮鯖魚$75，鯖魚味道濃郁，配上濃汁煮，更帶出魚香味，秀珍菇超滑，爽口。醬汁燒鰻魚$30，好juicy 醬汁沾滿鰻魚肉，食入口黏住，厚身啖啖肉。七味燒雞中翼$30，折開串燒，容易食，七味粉夠惹味香口，燒至香脆微燶。帆立貝茶漬飯$55，超抵食夠大碗，帶子夠鮮味，天婦羅稻庭烏龍麵$105，麵質彈牙，幼稨易食，湯味清甜，有兩隻蝦，夠彈牙，炸漿唔會太厚，還有秋葵同茄子等。壓軸沖繩苦瓜炒豚肉$75，超愛，苦瓜微甘甜，上次到過沖繩一直念念不忘，炒埋蛋香氣撲鼻。面還鋪了木魚碎，豚肉片薄唔韌。最後甜品叫了芝麻雪糕$25，好香滑。同朋友暢談一個晚上，食物多款小碟為主，食完一碟再上一碟，份量剛好，可叫多啲選擇。