Video
Read full review
2022-06-18
69 views
尋晚去試近期旺角人氣火鍋店鍋卷嗚門，佢哋主打海鮮任食，多款海鮮魚缸自取，新鮮感十足，訂咗位8:30pm，佢哋嘅海鮮真係唔錯，魚缸有充足海鮮供應，而且都係相當新鮮😋👍🏻先講吓手機落單嘅食物，刺身款色算多，而且質素唔錯，係其中一個值得續點嘅好選擇👍🏻👍🏻天婦羅，因為驚叫多咗食唔落其他嘢，所以只係揀咗帶子天婦羅，口感外脆內軟，好食👍🏻👍🏻蒜片牛柳粒，唔係細細粒肉碎貨色，size同份量都OK，味道還可以👍🏻清酒煮蜆，唔知係唔係廚房唔記得咗落調味🤔成碗都係淡茂茂嘅😂其他嘅蟹子沙律，炒雜菜……正常水準，冇驚喜冇失望😂火鍋配料我揀嗰個套餐係包括有牛小排同埋牛板腱嘅下忍套餐，我主力食牛冇叫其他肉類，其中牛小排係比較出色，肉質嫩滑👍🏻牛板腱有咬口但係略嫌有少少騷味跟住到主角海鮮出場，我喺網上訂位，餐廳優惠係送火鍋用龍蝦一隻，龍蝦肉鮮味彈牙，正👍🏻跟住出去魚缸攞海鮮，餐廳提供一個桶仔用嚟裝冰裝海鮮，略嫌個桶太細，裝嘅份量唔多之餘，因為缸入面啲海蝦同埋賴尿蝦都相當新鮮，放入桶嘅時候彈吓彈吓都幾論盡🙈海鮮品種唔識細分，其中鮑魚，海蝦，賴尿蝦都係又新鮮又大隻，重有其他唔同種類嘅蜆同螺，全部鮮甜美味，食到停唔到口
先講吓手機落單嘅食物，刺身款色算多，而且質素唔錯，係其中一個值得續點嘅好選擇👍🏻👍🏻
天婦羅，因為驚叫多咗食唔落其他嘢，所以只係揀咗帶子天婦羅，口感外脆內軟，好食👍🏻👍🏻
蒜片牛柳粒，唔係細細粒肉碎貨色，size同份量都OK，味道還可以👍🏻
清酒煮蜆，唔知係唔係廚房唔記得咗落調味🤔成碗都係淡茂茂嘅😂
其他嘅蟹子沙律，炒雜菜……正常水準，冇驚喜冇失望😂
火鍋配料我揀嗰個套餐係包括有牛小排同埋牛板腱嘅下忍套餐，我主力食牛冇叫其他肉類，其中牛小排係比較出色，肉質嫩滑👍🏻牛板腱有咬口但係略嫌有少少騷味
跟住到主角海鮮出場，我喺網上訂位，餐廳優惠係送火鍋用龍蝦一隻，龍蝦肉鮮味彈牙，
正👍🏻
跟住出去魚缸攞海鮮，餐廳提供一個桶仔用嚟裝冰裝海鮮，略嫌個桶太細，裝嘅份量唔多之餘，因為缸入面啲海蝦同埋賴尿蝦都相當新鮮，放入桶嘅時候彈吓彈吓都幾論盡🙈
海鮮品種唔識細分，其中鮑魚，海蝦，賴尿蝦都係又新鮮又大隻，重有其他唔同種類嘅蜆同螺，全部鮮甜美味，食到停唔到口👍🏻👍🏻👍🏻
唔記得咗個自助Bar🙈正路嘅丸菜麵之類嘅都有👍🏻不過好老實講，口就得一個，基本上唔會有太多時間去攻Bar枱提供嘅食物😂
飲品方面，樽裝汽水，啤酒任飲，打邊爐隊玻璃樽裝可樂就梗係爽爆啦🥰
最後，雪糕佢哋用阿波羅，Magic cone同Monaka 都係我至愛，梗係要食埋先走😋
總括嚟講，放題提供嘅任食海鮮雖然唔係啲好特別又或者高級貨色(本身餐廳有提供付費嘅追加海鮮，想食豪啲嘅可以多個選擇)，但係食材新鮮👍🏻基本上由開始食嗰刻個口就已經忙個不停，一般嚟講，下忍餐已經好夠食，如果想試埋有和牛嘅中忍同上忍餐，時間管理就要處理得相當之好先得喇😂
2 views
0 likes
0 comments
Post
