立鮨 (安富大廈) (Closed)

今晚同朋友去了唔錯嘅日本料理，這裡是其中一間，而這裡是有座位，日本文化立食，是站立點餐進食，而這裡有舒適座位，地方唔算大，但食物選擇豐富，落單經二維碼掃瞄落單，師傅即時新鮮製作，今晚見到餐牌價錢唔算貴，最緊要個感覺就好像身在日本嘅感覺！先一輪壽司，有用料十足三文魚小卷，中間有肥美嘅三文魚肉，再用脆身紫菜卷住；芥辣八爪魚軍艦，入口帶點刺激之餘八爪魚十分彈牙爽口好有口感！芝士飛魚籽軍艦，飛魚籽中混合香濃芝士個種味道十分配合；辣汁帶子軍艦，辣汁夠晒刺激味蕾，帶子肉質亦十分結實！螢光魷魚軍艦亦係今晚推介之選，大大隻螢光魷魚好有口感，放滿了在軍艦上！個人喜好嘅自家製玉子壽司，玉子大件彈牙配合埋壽司飯一齊入口，真係十分滿足！這個係見到人地點了再追加的火炙大吞拿魚腩海苔壽司，大大件經師傅火炙後的大吞拿魚腩，入口夠晒肥美配合脆身紫菜要即該入口！手卷就叫了件碎蔥吞拿魚腩手卷，估不到都十分足料，手卷內放滿了吞拿魚腩，真係啖啖都係吞拿魚腩！而個金菇肥牛亦十分之出色，用肥牛卷住金菇肥美嘅肉汁被爽口金菇吸收，燒得香香嘅肥牛十分之美味！而味噌蒜頭漬，亦十分之出色，每粒味噌蒜頭都十分入味醒胃！最後加埋個特選七色魚生