有蒸氣 海鮮石鍋專門店 (Closed)

心血來潮想食海鮮 跟住同朋友傾下傾下就決定去食蒸氣鍋 因為一嚟未食過蒸氣鍋 二來可以滿足埋食海鮮嘅願望😆尖沙咀應該比較多 而咁啱見到呢一間 食物種類都好多。叫套餐有分幾種套餐 有啲係淨係海鮮餐 有啲係海鮮牛肉餐 仲有阿拉斯加蟹嘅海鮮餐 咁就睇吓自己喜好同埋口味係咩啦. 另外呢 係有得揀湯底又或者可以揀粥底 所以就任君選擇自己睇返喜好再決定揀粥底定係湯底啦...首先空間感好好 都有私隱度 最好嘅就係有特別一個服務員去幫你慢慢放啲海鮮同埋野食落去蒸！ 服務一流！首先第一樣嘅事試咗蒸蛋先 不過可能太肚餓嘅緣故同想快啲食 冇諗過蒸蛋呢6分鐘係過得咁漫長... 整出嚟嘅黑松露蛋係幾香幾滑..跟住之後就開始有海鮮啦 有鮑魚 有生蠔元貝魷魚等等等等..... 我個人建議呢就乜嘢醬都唔好掂住 梗係食咗原味先架啦！ 食到海鮮嘅鮮味 試完之後先再慢慢點下其他醬 再食...海鮮係新鮮 食落口好有鮮味 另外好深刻嘅事完杯大到成隻手咁滯😂 配上蒜蓉同粉絲真係一流.食完海鮮 仲有個手打墨魚丸同埋牛丸 呢個真係不得了 應該係因為手打嘅緣故 好好食好彈牙好有口感！！！最後食完上面嘅海鮮 仲可以食番粥底... 真係完美