妖怪 (Closed)

位於中環皇后大道中H Queen’s 23樓嘅🏮妖怪 Yokai🏮喺我經常lunch time會幫襯嘅日本菜，無論一個人嚟食或者同同事聚餐都好適合🐵今日想食魚生，所以叫咗🥢山幸三色丼～三色魚生包括咗中拖羅、赤身同大拖羅，一次食哂三種唔同部位嘅呑拿魚❤️最正就係淺粉紅色嘅大拖羅，魚油爆棚，入口後慢慢融化🙊赤身雖然唔似大拖羅咁肥美，但魚味更強，同樣新鮮味美❤️三色丼定食仲跟埋麵豉湯、沙律、前菜，都好抵食🐵嚟食嘢記得要留意呢度嘅環境同裝修🏮周圍都有好多妖怪嘅擺設，門口隻🌂唐傘小僧都幾趣致可愛，喺度食晏特別有feel~~