萬波 (Closed)

我都服左自己了，去台中幾日都唔算飲好多手搖杯，反而喺香港飲。來自台中嘅萬波地點上好方便我地，但而家盡量唔刻意去試喇，經開先。是日喺附近打完邊爐，見唔多人就買杯過癮啦。萬波選址彌敦道，老鍊咁遠已經見到好光猛嘅門面，鋪面幾大，透明玻璃隱約可見廚房內部，裝潢有種復古味，令我印象最深刻係好有節日氣氛嘅杯子。店員好有禮，遞上餐單。餐牌分奶蓋茶、原茶、果茶、鮮奶、鮮奶茶等，大部分分中/大杯，定價$16-34。配料有粉圓、仙草、波霸等。奶蓋有四款，分別有奶油布蕾、伯爵、黑糖、奶油oreo。冰度、糖度可自選，店員亦都會作建議。香草籽與鹹奶油布蕾 $30/微糖/微冰一眼睇中呢款，個名幾吸引兼後來先知係香港限定添。店員建議微糖、微冰，大鄉里未飲過梗係聽話啦。奶蓋層面頭燒得唔夠耐，所以冇脆嘅效果。由於添加海鹽，頭幾口飲落會有點鹹味，唔會持續，雲呢拿味好香，亦都見得到有好多雲呢拿籽，確實好似食緊烤布蕾茶底為紅茶，微糖剛好，有點茶澀，飲到後期會比較淡，中規中矩。但芝士奶蓋有種新鮮感，屬於可試之列。