富粥 (Closed)

午飯時間竟然無咩胃口，諗住唔食。但又驚之後會肚餓又無機會食，真係好矛盾。咁啱見到富粥，咪入去囉。哇，見到餐牌嚇一跳，平均價$30左右，今時今日仲邊有咁平架？唔好意思淨叫一碟腸粉，叫夠兩碟，每邊只食到一半，其餘打包，因為真係無胃口呀麻。左邊係韭王叉燒腸，右邊係生菜碎牛腸。外表一D都唔討好，但食落就知新鮮。我自己比較鐘意韭王叉燒腸，韭王夠香。真係又平又抵又新鮮，窮人恩物，糧尾必選。見人地食豬潤麵、豬潤粥好似都好好食，我一定會再黎食架。