Video
Read full review
2023-06-04
241 views
爆漿冬甩！葵廣三樓Top世界為食街又開咗新鋪頭小店賣嘅嘢唔多，專注主打冬甩、三文治、炸物小食星期一至五仲有special menu😎-👍🏻榛子朱古力冬甩 $28/個、$78/3個、$148/6個每日新鮮手搓麵團，即叫即炸，落單後起碼要等8分鐘熱辣辣拎到上手，一咬落去即爆漿，有冰火效果，有驚喜😛小心辣口之外仲要小心唔好滴到周圍都係😆除咗Nutella，其他內餡醬料都係自家製作，有多款口味 (可參考menu)完全做到外脆內軟口感，果然係招牌👍🏻味道：8/10性價比：8/10-👍🏻手撕豬肉三文治 $60手撕豬肉撕到好幼絲，均勻混入自家製燒烤醬口感同味道有少少似吞拿魚咁，但多份豬肉香，酸酸地好惹味🤪連埋紅蘿蔔絲、椰菜絲，爽口口感有層次意大利Ciabatta麵包外脆內軟帶點煙韌，厚身大個好足料，值得一試味道：8/10性價比：8/10-👍🏻古巴三文治 $55法包超級脆口，咬落卡嚓卡嚓咁，但唔會硬骨骨刮牙肉😂內餡夾住大大塊蜜糖火腿，疊住有四層，再鋪上手撕豬肉同半溶芝士蜜糖芥末醬甜甜地，冇手撕豬肉包咁厚身但足足有成隻前臂咁長，女仔食一半都飽咗🤰🏻芝士火腿經典組合唔會差得去邊，但兩者相比，手撕豬包味道就
小店賣嘅嘢唔多，專注主打冬甩、三文治、炸物小食
星期一至五仲有special menu😎
-
👍🏻榛子朱古力冬甩 $28/個、$78/3個、$148/6個
每日新鮮手搓麵團，即叫即炸，落單後起碼要等8分鐘
熱辣辣拎到上手，一咬落去即爆漿，有冰火效果，有驚喜😛
小心辣口之外仲要小心唔好滴到周圍都係😆
除咗Nutella，其他內餡醬料都係自家製作，有多款口味 (可參考menu)
完全做到外脆內軟口感，果然係招牌👍🏻
味道：8/10
性價比：8/10
-👍🏻手撕豬肉三文治 $60
手撕豬肉撕到好幼絲，均勻混入自家製燒烤醬
口感同味道有少少似吞拿魚咁，但多份豬肉香，酸酸地好惹味🤪
連埋紅蘿蔔絲、椰菜絲，爽口口感有層次
意大利Ciabatta麵包外脆內軟帶點煙韌，厚身大個好足料，值得一試
味道：8/10
性價比：8/10
-👍🏻古巴三文治 $55
法包超級脆口，咬落卡嚓卡嚓咁，但唔會硬骨骨刮牙肉😂
內餡夾住大大塊蜜糖火腿，疊住有四層，再鋪上手撕豬肉同半溶芝士
蜜糖芥末醬甜甜地，冇手撕豬肉包咁厚身但足足有成隻前臂咁長，女仔食一半都飽咗🤰🏻
芝士火腿經典組合唔會差得去邊，但兩者相比，手撕豬包味道就特別啲
味道：7/10
性價比：7/10
-👍🏻神級炸蘑菇 $30/半份 & 炸芝士條 $30/4pcs
小食同樣係即叫即炸，蘑菇切片，炸得非常脆口，同時keep到菇汁好juicy，仲有陣陣parsley香味，點少少黑松露醬食一流😙
炸芝士條一樣脆卜卜，不過芝士稍為鹹咗啲，可以點蒜蓉醬中和返
味道：8/10
性價比：7/10
-
📍#SoDoughlicious @so_doughlicioushk葵芳葵富路7號葵涌廣場3樓TOP世界3069-T29號舖
Post
