神輿日本料理 (Closed)

想食得開心又滿足就最埋去食放題，而且有咁多種類嘅放題選擇都唔知食乜好，最後大家一致去食日式放題嘢食比較多又啱大家口味，今次就去左旺角呢間日本料理食放題，餐牌上已有多款美食提供，大家都好自然先點番個刺身拼盤品嚐一下，有齊晒我想嘅刺身，三文魚、油甘魚、帶子、甜蝦、象拔蚌，食唔夠又可以再點保證食得滿足，食完刺身再來有壽司同手卷呢D不可缺少美食，每款口味各有特色，壽司迷嘅我當然有至愛左口魚邊、鰻魚同帶子，再食番件火灼和牛簡直完美，記得仲有一樣必定要㸃來食佢就係人氣賣點之一海膽壽司同手卷，入口香滑又鮮甜正，食左一輪刺身同壽司係時候食下其他特色美食，輪到有炸物同天婦羅，點都要點番幾款品嚐一下，炸物就有吉列炸蠔、榴槤球、同炸鮮奶入口香脆內軟就唔駛講，天婦羅有海蝦、秋葵、日本蕃薯同南瓜，炸得鬆脆又香口，再來有一品料理燒汁一口牛，入口香滑又多汁有水準，再食番啖鮮味十足熱辣辣鰻魚炒飯特別滋味，美食一款一款接住來有芝士焗虎蝦同汁燒牛肋骨食落味道夠晒惹味，唔少得再食件燒菠蘿入口香甜又多汁，食放題時間真係過得特別快，最後係自助區攞埋甜品同雪糕再慢慢品嚐一番先至係一餐完美放題。