Lucky•綠 (Closed)

呢間茶飲店想試咗好耐，據聞佢嘅茶飲係用新鮮水果、蔗糖製成，感覺健康好多。適逢今次響街行到中暑咁濟，即刻走去買杯試吓。多肉芒芒奶昔（大$37）- 新出嘅口味，奶昔香滑，充滿芒果香味，入口好清新，味道亦都唔會太甜。青檸百香果（大$30）- 入口充滿青檸同百香果嘅味道，酸酸甜甜，消暑一流，啱晒咁熱嘅天氣。除咗有茶飲之外，仲有好多款小食提供，例如脆皮年糕、涼麵、土匪雞翼、燒賣等等。啱晒行街行到赲，飲吓嘢同埋食吓小食。