Video
Read full review
2022-01-06
1263 views
之前係泰國見過流水蝦燒烤，估唔到而家今香港都食到！雖然係平日夜晚但餐廳都坐無虛席，。流水蝦以自助形式，每一枱隔離都有個水缸養住新鮮蝦任夾任燒，D蝦活躍到一夾就彈走，夾到拎上浸係冰桶先凍暈再燒。大頭蝦肉質又爽又彈牙非常新鮮，燒完後灑少少椒鹽已經好惹味！最正係蝦膏超香，一咬爆汁，我同友人一共食左十幾隻。✨海鮮船 - 有兩隻新鮮鮑魚、兩隻扇貝、兩件鱔同一d蜆，全部都好新鮮味道鮮甜！✨美國Prime級牛肉，有牛小排，牛板健同牛柳粒。牛肉呈鮮紅色而且有雪花均勻，食落口感幾嫩。除左set之外，出面仲有好多唔同種類嘅肉類、海鮮同埋蔬菜比客人選擇！以下係我極力推薦嘅食品：🔺肉類 -雞翼、豬扒、雞軟骨、金菇肥牛… 🔺海鮮 -生蠔 🦪 （好搶手！）、墨魚仔同魷魚🦑 (真係好好食，但好易overcook切記唔好燒太耐) 另外花甲同蜆都好鮮甜多汁！🔺蔬菜 -食咁多燒肉真係要食番D菜黎平衡下等個感覺冇咁油膩。力推娃娃菜、金針菇！係加左蒜蓉再用錫紙包住燒，好味又唔熱氣！另外冬菇都好正。甜品選擇雖然唔多，但每款嘅味道都唔錯！水果方面有西瓜同哈蜜瓜，另外有忌廉泡芙同埋紅豆卷，當然少不了雪糕。喺香港製造嘅雪糕有幾款唔同
✨海鮮船 - 有兩隻新鮮鮑魚、兩隻扇貝、兩件鱔同一d蜆，全部都好新鮮味道鮮甜！
✨美國Prime級牛肉，有牛小排，牛板健同牛柳粒。牛肉呈鮮紅色而且有雪花均勻，食落口感幾嫩。
除左set之外，出面仲有好多唔同種類嘅肉類、海鮮同埋蔬菜比客人選擇！以下係我極力推薦嘅食品：
🔺肉類 -
雞翼、豬扒、雞軟骨、金菇肥牛…
🔺海鮮 -
生蠔 🦪 （好搶手！）、墨魚仔同魷魚🦑 (真係好好食，但好易overcook切記唔好燒太耐) 另外花甲同蜆都好鮮甜多汁！
🔺蔬菜 -
食咁多燒肉真係要食番D菜黎平衡下等個感覺冇咁油膩。力推娃娃菜、金針菇！係加左蒜蓉再用錫紙包住燒，好味又唔熱氣！另外冬菇都好正。
甜品選擇雖然唔多，但每款嘅味道都唔錯！水果方面有西瓜同哈蜜瓜，另外有忌廉泡芙同埋紅豆卷，當然少不了雪糕。喺香港製造嘅雪糕有幾款唔同嘅味包括海鹽雪糕、榴槤雪糕、曲奇忌廉雪糕等。
呢度嘅飲品選擇都非常多，有無糖烏龍茶、唔同口味嘅汽水同果汁，仲有王老吉涼茶。
Post
