One More Hotpot 來一鍋 (Closed)

天氣又轉凍，涼陣陣既天氣最適合打邊爐。今日係來一鍋食左個火鍋放題。俾多少少錢，食既火鍋全部都係海鮮。隻隻海鮮都新鮮。叫左個喇沙海鮮鍋湯底。未見過海鮮鍋入邊有咁多海鮮。蝦，青口，蜆有好多。成個湯底好鮮甜。海鮮主菜終於上菜。有大大隻既鮑魚。貴妃蚌，象拔蚌，扇貝，青口，大蝦等等。每個海鮮都好彈牙。鮮味濃，好甜。食到超滿足。唔洗點醬油，因為原汁原味先食到海鮮既鮮味。仲有好多手打丸。手工墨丸，豬肉丸，韭菜餃等等。都整得彈牙，甜。好原汁原味，唔會食到好假。呢度既食材真係好高質，好值得食。最鍾意食墨丸釀豆卜。呢度既手工野真係食得出係好有心思。味道好好。呢個響鈴係我食過最大既響鈴。成個煲咁大。浸完索曬啲汁一次過食曬佢，感覺真係好滿足。呢隻響鈴真係夠曬霸氣。揀左個手切安格斯prime grade牛頸脊肥牛。呢個部位真係好肥美。第一次打邊爐食咁靚既肥牛。香滑鮮甜，slurrp一聲就食曬。食完主菜再叫埋其他野食。有鵝腸，丸類，午餐肉，羊肉，花膠，蟹柳等等。食完最尾黎個心太軟。正呀！今餐真係食得好滿足。仲可以任飲紅酒，白酒，啤酒。如果唔係琴晚飲左好多，今日應該會係呢度劈酒。靚酒配打邊爐，個feel一定好好！