阿肥火鍋 (Closed)

舊式嘅裝潢中，當然有養住新鮮海鮮嘅魚缸，成個街市咁，毫無違和感。有鮮活海鮮咁就要試下啦，揀咗蟶子同埋1份花甲。湯底選咗鴛鴦戲水鍋，因為有海鮮嘅關係，松茸菌昆布湯就唔會搶咗海鮮嘅鮮味，而麻辣又可以配搭牛肉、丸類去刺激一下。蟶子味道鮮甜，$48一隻價錢幾合理。花甲都唔錯，不過唔好煮得太耐，開口就要即刻食。牛柳粒口感唔錯，煮得耐少少都唔怕，可以令麻辣味道更加入味。有好多其他配料可以選擇，有幾款都試唔到，食過又覺得唔錯嘅有百花釀油炸鬼、響鈴，索咗湯汁仲有脆口嘅感覺，好食。