岸久巿場 (Closed)

又同朋友出街揾食，去左尖沙咀厚福街既岸久，店內幾有日本風味！而且店員幾好服務態度呀！我就叫咗一杯蘋果味既生啤！味道清甜帶蘋果清香！好清新，i like it! 店員就推介池魚刺身，今日係新鮮番貨，價錢唔貴又幾抵食！所以叫咗一條嚟食，池魚質數真係幾新鮮。 好香濃嘅魚味再配上酸汁，蔥，薑一齊食！完全冇咗魚嘅腥味。再一客特選don, 吞拿魚蓉，蟹肉絲，三文魚籽做上topping, 新鮮十足，又夠份量！good呀再叫咗一份燒三文魚腩邊， 真係可以叫做燒到外脆內軟" 外層嘅皮脆脆的， 口感層次豐富！而且魚肉嫩滑。正呀！燒黃金貝， 肉汁飽滿又嫩滑，keep到豐富既海水味，相當有水準呀！燒蠔， 蠔肉非常飽滿！配上清酒去燒，帶陣陣清酒香味！店員會為我們燒！唔使驚自己燒到熟哂或者太生！nice service