品記鮮粉人家私房菜館

Open Now

Now Closed

知道7:30前埋單88折，所以都專登早啲去食，有著數就唔放過古法羊腩煲好香嘅南乳味道，醬汁夠哂惹味，羊腩皮燜得好入味，肉質嫰滑帶彈性灼三鮮（豬粉腸、鵝腸、黑牛柏葉）黑牛柏葉爽口，出面都好少食到黑牛柏葉，可以一試；鵝腸夠新鮮，口感脆嫩，九上九落就食得；豬粉腸都夠新鮮，所以無腥味。手切本地肥牛平時自己都鐘意食手切新鮮肥牛，因為覺得口感比起機切更好！自家製韭菜餃果然自家製夠足料，一隻頂出面賣嘅兩隻大大隻，仲要唔會韭菜多過肉！