唐包點

Open Now

Now Closed

成個地鐵站都係賣啲凍冰冰既包，美心啲包凍冰冰得黎仲要勁貴！終於開左呢間買蒸包既舖頭，叉燒包、菜肉包係我最常買既。都足料，叉燒包調味不錯，唔會過咸，食到有肉粒；菜肉包既菜同肉比例都唔錯。最緊要係熱辣辣同新鮮！價錢都唔貴7蚊、7個半。食蒸包感覺上都健康啲，成為左個我既早餐必選物！女仔一個就夠食，男仔可能要食兩個先名飽。另外啲店員都手腳快，趕返工嘟八達通唔駛幾秒就拎得。希望將來啲蒸包款式有更多選擇，最好就賣埋燒賣魚蛋啦。