嘉寶漢堡 (和益中心)

Open Now

Now Closed

嘉寶已經食過好多次，由只有葵涌店開始到而家每次食都依然覺得好高質keep到水準，其中一樣佢好味嘅原因係所有嘢都新鮮熱辣，唔似連鎖店咁樣整定擺喺度雖然仲暖但已經冇辣手嗰種感覺，但價錢又算抵。推介香辣煎蛋羊堡！羊肉漢堡比較少見，味道特別非常好，有羊味但唔會氈，其他配料配搭都唔錯。香辣煙肉蘑菇芝士牛堡同其他牛堡都好食，不過會比較正路唔太大驚喜。羊堡牛堡都食過覺得正，希望有機會試吓蝦堡雞堡，不過次次去到都俾羊堡吸引左試唔到其他哈哈！小食方面，啲炸物都好新鮮，薯條正，有個好似麥樂雞嘅雞塊都好特別，念頭有啲類似粟米片嘅coating，呢個雞塊都值得試。