Video
Read full review
2018-06-20
59 views
又到左每個月同男朋友既紀念日，今次佢帶左我去喺中環蘭桂坊附近一間新開嘅餐廳食晚飯。餐廳環境好舒服，一邊係酒吧，一邊係蠔吧，兩樣野都分別對我同男朋友都好吸引！見到蠔吧既生蠔咁新鮮，我地當然忍唔住要嗌返幾隻黎食啦！當日總共有七隻蠔選擇。其實我哋雖然鍾意食蠔，但自問對蠔嘅認識都唔算深。好在店員都好細心，逐款蠔為我地推介，我哋最後揀咗四款，每樣兩隻。廚師係擺碟嘅時候，已經將生蠔嘅味道由淡至濃排列。而且亦配上四款醬汁，包括新鮮檸檬，紅酒醋，cocktail cause，同埋最特別嘅辣根，好似新鮮Wasabi咁，微辛，唔會好攻鼻之餘又可以增加刺激感。我自己就最鍾意第二淡味嘅Pacific Oyster，入口比較清新，海水味適中，帶點爽口，非常新鮮。男朋友就鍾意Scottish Rock，比較濃味厚身而且creamy。食完頭盤就當然到主菜，男朋友本身要左份肉眼扒，但店員問我地有冇興趣試下韓牛，我地就決定食喇。外層既燒烤紋令牛排變得好吸引，五成熟既內層仲保持到粉紅色，肉質好嫩。而且本身牛肉味已經好重好濃，唔需要什何醬汁都好好食！而我自己就要左份燒龍蝦，原隻龍蝦開邊燒，方便將龍蝦肉起出黎。表面十分香脆，
餐廳環境好舒服，一邊係酒吧，
一邊係蠔吧，
兩樣野都分別對我同男朋友都好吸引！見到蠔吧既生蠔咁新鮮，我地當然忍唔住要嗌返幾隻黎食啦！當日總共有七隻蠔選擇。
其實我哋雖然鍾意食蠔，但自問對蠔嘅認識都唔算深。好在店員都好細心，逐款蠔為我地推介，我哋最後揀咗四款，每樣兩隻。
廚師係擺碟嘅時候，已經將生蠔嘅味道由淡至濃排列。而且亦配上四款醬汁，包括新鮮檸檬，紅酒醋，cocktail cause，同埋最特別嘅辣根，好似新鮮Wasabi咁，微辛，唔會好攻鼻之餘又可以增加刺激感。
我自己就最鍾意第二淡味嘅Pacific Oyster，入口比較清新，海水味適中，帶點爽口，非常新鮮。
男朋友就鍾意Scottish Rock，比較濃味厚身而且creamy。
食完頭盤就當然到主菜，男朋友本身要左份肉眼扒，但店員問我地有冇興趣試下韓牛，我地就決定食喇。
外層既燒烤紋令牛排變得好吸引，五成熟既內層仲保持到粉紅色，肉質好嫩。而且本身牛肉味已經好重好濃，唔需要什何醬汁都好好食！
而我自己就要左份燒龍蝦，原隻龍蝦開邊燒，方便將龍蝦肉起出黎。表面十分香脆，入面就好鮮甜彈牙，就咁加少少檸檬汁已經夠。
飲品方面，叫左一定數量既生蠔會有杯白酒送，而我自己就要左杯冇酒精既Ciao Bella。主要係一杯士多啤梨味既梳打，唔會有藥水味，入面仲有d青瓜，非常refreshing。
好滿意呢間餐廳呀！海鮮同肉類食材本身都好新鮮好高質，用左最簡單既烹調方式已經好好食。而且店員都好好傾，一齊交流下飲食心得好開心。埋單仲有coupon送，下次再黎先!
Post
