壽司豐 (Closed)

生日緊係去食好嘢，呢間朋友介紹我去食，真係無介紹錯啊。明蝦菠菜蝦肉爽口彈牙，加左胡麻醬酸酸甜甜，開一開胃先。茶碗蒸蛋香味濃，滑嫩嫩。北海道仙鳳趾生蠔厚肉鮮甜，食落去好creamy，蠔味都幾濃郁，中間放左三文魚籽增加口感。帆立貝，啖啖肉，鮮味。章紅魚海膽粉，魚肉有彈肉，配上酸汁更美味。白拖羅，中拖羅，大拖羅拖羅簡直係我嘅最愛，第一次食白拖羅原來好有口感，質地爽口，配左小洋蔥食好爽。大拖羅入口即化，齒頰留香。角螺𩶘魚赤身大拖羅鯖魚宮崎A4和牛西冷煎得好香，肉質軟林，油脂幾豐富，可以再生d就好。