一哥點故 (Closed)

由元朗開到出灣仔嘅一哥點故，點心真心超好食，而且價錢仲好實惠，即叫即蒸，必吃推介:「黑松露鮮蝦餃、黑金流沙包、龍蝦湯鮮竹卷及懷舊燒賣皇」，愛吃煎炸野就必定會喜歡家鄉咸水角及春風得意腸，款款點心新鮮製造，美味可口。先講一下黑松露鮮蝦餃，入口即充滿黑松露的衝擊散播口腔裡，十分澎湃，鮮蝦爽脆彈牙，真心好食。黑金流沙包麵包皮比較厚身，裡面嘅流心奶皇都好香口，亦唔會太甜，很不錯。龍蝦湯鮮竹卷，先呷一口龍蝦湯超濃郁鮮甜，鮮竹卷惹味可口，愈食愈停唔到口。懷舊燒賣皇，大大粒，滿口蝦肉，鮮脆爽口，值得一試。家鄉咸水角都熱辣辣夠曬味，而春風得意腸不單香口，裡面仲有蝦膠更增添彈牙口感，相當美味。點心店用嘅辣醬係秘製㗎，辣味比較偏向四川風味，富有麻辣感超過癮。埋單每人都係100蚊有找，CP值很高，服務好效率高，值得常來幫襯。