鮨玥 (Closed)

同事請我去西灣河鯉景灣近海邊嘅一間日本餐廳食日本菜，叫做鮨玥，佢哋嘅食材大多來自日本豐州市場。尤其原條新鮮藍鮨本鮪，確保質素。另外除了廚師發辦，晚市亦供應多款定食，由刺身、丼、燒物到料理都有，款式多元化。本鮪壽司盛，有六件壽司，分別係本鮪赤身、中本鮪魚腩及大本鮪魚腩，每款各兩件，由味道最清爽嘅赤身，到味道較濃嘅中吞拿魚腩，再到最肥美飽滿嘅大吞魚腩，魚腩油份比較豐富，入口即化，大拖羅嘅油脂分佈最靚，雪花紋般細膩。日本花魚一夜干，花魚一夜干採用日本花魚，咸味剛剛好能帶出魚的鮮味，肉質鮮嫩不會太乾身，而魚皮和魚骨就烤得非常香脆。燒白鱔，白鱔燒得啱啱好，皮脆肉厚，肉質彈牙。唐揚日本池魚苗，炸到金香鬆脆既池魚仔送酒最好不過 ，卜卜脆十分惹味。