菓匠茶屋 (Closed)

難得出開街，當然食完晚飯要黎個飯後甜品先夠滿足啦! 近年黎，香港唔同區都分別開左大大小小既雪糕店，每一間都有自己既selling point! 今次係銅鑼灣就去左Time Square 間City Super 既菓匠茶房。 環境方面，其實佢係City Super 𥚃面環境都算幾衛生，普普通通一間開放式設計既鋪頭，等既時候又可以睇下佢點整，見證住你杯雪糕既出世。 不過若果環境夠大既放多幾張枱枱凳凳，行街行到攰坐下食下雪糕，成件事都舒服，可惜呢d只係ff黎。 食方面，今次就叫左3.6牛乳雪糕配waffle黎試下，等左幾分鐘就有得食啦！除左牛乳雪糕仲有埋紅豆同埋類似小丸子既物體，配搭對於一個平時唔鐘意食topping黎講既我，我覺得好新鮮。開頭就咁食牛乳雪糕就覺得奶味好重唔係好接受到，可能因為佢係3.6既關係，雪糕會好牛奶。不過，試下加埋紅豆食，咦，效果又幾正播，紅豆中和左d牛奶味，食落就慢慢接受到，唔錯唔錯！而鐘意食小丸子既朋友，你一定會鐘意佢地既丸子，足料得黎又幾彈牙同煙un。Waffle 夠脆，不過用來做裝住雪糕，食到尾可能有啲麻煩。