阿土伯鹽水雞 (長沙灣廣場)

Open Now

Now Closed

長沙灣分店，枱唔多，得3張，星期五3點時間，唔需要等位。點了一份台灣麵線餐（$55），可以有麵線同1/4 雞 + 2 款配菜，配菜選了秋葵和芭樂，醬汁：阿土伯醬 微辣 要蔥另一份是 1人餐（$47）1/4 份雞 + 3個配菜：青蘋果 凍豆腐 雞脾菇，醬汁：阿土伯醬 微辣 要蔥可以半價加配飲品，加了 芭樂果茶（$12）和鳳梨果茶（$12）鹽水雞有雞脾肉同雞胸肉，雞胸肉唔鞋口，雞肉肉質結實 彈牙，唔會撕到好碎，件件都大件，加上蔥粒一齊食，增加清新口感。雞脾菇切成片狀，好爽口，份量好多，食極都有嘅感覺秋葵 青蘋果 好新鮮 爽身，青蘋果大粒凍豆腐 芭樂 就一般，無乜特別而阿土伯醬汁均勻 恰到好處，唔會過份濃郁而掩蓋雞味，微辣都無乜辣味，下次可以試下少辣。一個餐嘅份量啱啱好，以下午茶黎講，一個女仔食都夠飽～麵線有好香嘅胡椒味，唔會太鹹，入面有切片嘅花枝丸 木耳絲 同 竹筍條，好有台灣風味。芭樂果茶 鳳梨果茶，唔係鮮果嗰種水果茶，茶味唔濃，普普通通。